Бөлүмдөр
Шейшемби, 23-октябрь
Жалал-Абад облусуНоокен району 27.12.2017 10:14

Ноокенде айылдашынын 3 баш малын уурдап саткан 20 жаштагы жигит кармалды (фото)

Turmush -  Ноокен районунда мал уурулукка шектүү кармалды. РИИБдин маалыматына караганда, 17-декабрдан 18-декабрга караган түнү Ноокен районунун Момбеков айыл аймагына караштуу №27 участкасындагы мал сарайдан 1 баш уй (40 миң сомдук) жана 2 баш торпокту белгисиз адамдар уурдап кетишкен. Муну менен мал ээсине 70 миң сомдук зыян келтирилген.

Малдын ээси — Ноокен районунун 1950-жылы туулган тургуну К.А. РИИБге арыз менен кайрылып, аталган факты боюнча КРнын Кылмыш-жаза кодексинин 165-беренесинин негизинде кылмыш иши козголгон.

Ноокен РИИБдин кызматкерлери тарабынан тергөө-ыкчам тобу түзүлүп, жүргүзүлгөн иликтөө иштеринин натыйжасында кылмышка шектүү катары Ноокен районунун Момбеков айылынын 20 жаштагы тургуну М. уулу М. кармалды. Ал буга чейин КРнын Кылмыш-жаза кодексинин 168-беренеси менен соттолуп, учурда шарттуу түрдө жазасын өтөп жаткан.

«Ал көрсөтмөсүндө «Хендай Портер» үлгүсүндөгү унаага 3 баш малды жүктөп, 18-декабрда эртең менен саат 06:00 чамасында Өзгөн районундагы мал базарга алып барып, жалпы 41 миң сомго сатып, акчасын өз кызыкчылыгына пайдаланганын айткан. Шектүү деп кармалган жарандын жасаган иши тергөө учурунда тастыкталып, 21-декабрда убактылуу кармоо изоляторуна киргизилген. Учурда анын башка кылмыштарга тиешеси текшерилип жатат», - деп айтылат маалыматта.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×